«Վերջերս հայտնի դարձավ, որ «Լուսավոր Հայաստանը» դարձել է Եվրոպական ազատականների և դեմոկրատների կուսակցության անդամ: Ինչպես հայտնի է, ԵԺԿ անդամ են ՀՀԿ-ն և «Ժառանգությունը», Եվրոպական սոցիալ-դեմոկրատների անդամ է ՀՅԴ-ն, իսկ ԲՀԿ-ն Եվրոպական պահպանողական-բարեփոխիչների անդամ է: 2014-ից ստեղծված «Քաղաքացիական պայմանագիրը» չկա այդ շարքում։ «Եվրոպական քաղաքական «ընտանիքները» համախմբվում են գաղափարական ընդհանրությունների շուրջ, իսկ Նիկոլ Փաշինյանը քանիցս հայտարարել է, որ «իզմ»-երի ժամանակներն անցել են։
Դա է պատճառը, որ ՔՊ-ն փաստացի հայտնվել է խաղից դուրս վիճակում»,- ասաց ընդդիմադիր մեր աղբյուրը: Ի՞նչն է պատճառը, որ դուք անդամակցեցիք եվրոպական ընտանիքին, ՔՊ-ն` ոչ. երբ դուք երկու տարի առաջ` «Ելքի» համատեղ «ընտանիքում» գտնվելու օրերին էիք անդամակցության հայտ ներկայացրել՝ մերժվել, հարցրինք ԼՀ առաջնորդ Էդմոն Մարուքյանին։ «Չեմ կարող ասել։ Դե, միգուցե վաղ թե ուշ իրենք էլ ինչ-որ խմբի անդամ դառնան»:
ՔՊ-ն, լինելով իշխող կուսակցություն, ունենալով 88 պատգամավոր խորհրդարանում, եվրոպական որևէ ընտանիքի անդամ չէ, դա ի՞նչ է՝ «նեպրիյա՞զն» Եվրոպայի նկատմամբ, թե՞ ձեզ այնտեղ լուրջ չեն ընդունում՝ հարցրինք ԱԺ փոխխոսնակ Ալեն Սիմոնյանին։ «Մի շտապեք, շատ եք շտապում»: Չենք շտապում` մի տեսեք, թե ԵԺԿ-ով, Դոլով Հանրապետականն ու Աշոտյանն ինչեր են անում, իսկ դո՞ւք… «Շտապում եք` ասում եմ․․․ դիմենք, կանդամագրվենք, թե ոչ, առաջիկայում կերևա»,-գրում է թերթը:
Նյութն ամբողջությամբ կարդացեք թերթի այսօրվա համարում:
