Ողբերգական նորություն Իսպանիայից: Այսօր ավտովթարի հետևանքով մահացել է 35-ամյա ֆուտբոլիստ Խոսե Անտոնիո Ռեյեսը: Այս մասին «Սևիլիան» հայտնել է իր թվիթերյան պաշտոնական էջում:
Ռեյեսը «Սևիլիայի» սան է, որի կազմում նորամուտը նշել է 16 տարեկանում: 2003 թվականին իսպանացին տեղափոխվել է «Արսենալ»: «Զինագործների» հետ Ռեյեսը հաղթել է Անգլիայի առաջնությունում, նվաճել Անգլիայի գավաթն ու սուպերգավաթը:
Ռեյեսը խաղացել է նաև «Ռեալում», որտեղ հաղթել է Իսպանիայի առաջնությունում, ինչպես նաև «Ատլետիկոյում», «Բենֆիկայում», «Էսպանյոլում», «Կորդոբայում», չինական Չժինջիանում և «Էքստրեմադուրայում»:
Ռեյեսն Իսպանիայի հավաքականի կազմում անցկացրել է 21 խաղ ու դարձել 4 գոլի հեղինակ:
Նոր տեսանյութ.
Մեր YouTube ալիքը։ Միացեք...
