Գլխավոր Իրավական Մարաշի ոստիկանները մեքենաներից կատարված գողությաններ են բացահայտել (տեսանյութ)

Մարաշի ոստիկանները մեքենաներից կատարված գողությաններ են բացահայտել (տեսանյութ)

104
0

Միացեք մեր Ֆեյսբուքյան էջին

Հունիսի 21-ին, ժամը 13-ի սահմաններում, ոստիկանության Մարաշի բաժանմունքի քրեական հետախույզները, օպերատիվ տվյալներն իրացնելով, Դավիթ Բեկի փողոցից, իր «Միցուբիշի» մակնիշի մեքենայով հանդերձ, բերման ենթարկեցին Սարի թաղի 23-ամյա մի բնակչի: Այս մասին հայտնում են ՀՀ ոստիկանությունից։

Պարզվել է` նա գարնանը գողացել էր Նուբարաշենի 8-րդ փողոցում կայանված «Մերսեդես G 500» մակնիշի մեքենայի պահեստային անվադողի պաշտպանիչ շերտն ու ամրացուցիչը:

Կասկածվողն իր մեքենայից ոստիկաններին է ներկայացրել ոչ միայն նշված «Մերսեդեսից» գողացածը, այլև տարբեր մակնիշի մեքենաներից հափշտակած մոտ մեկ տասնյակ կողային հայելիներ:

Բերման ենթարկված տղամարդը տվել է խոստովանական բացատրություն:
Տուժած մեքենայատերերին խնդրում ենք դիմել ոստիկանության Կենտրոնական բաժին:

Հանգամանքները պարզվում են: Փաստի առթիվ նախապատրաստվում են նյութեր: