Նազենի Հովհաննիսյանն Ինստագրամում լուսանկար է հրապարակել՝ ներկայանալով իր իսկ մոդելավորած գեղեցիկ զգեստով: Դերասանուհի-հաղորդավարուհին նաեւ լուսանկարին համահունչ գրառում է կատարել:
«Եթե մարդ թռիչք ունի, ոչ ոք նրանից դա չի կարող խլել։ Որքան մարդու տեսակը, նկարագիրն ամուր են, այդքան բարձր ու անհասանելի է նրա ճախրանքը։ Չարակամներն ու չարացածները միշտ կան, բայց թռիչքի մեջ եղողը ժամանակ չի ունենա՝ չարությունները «տեսնելու» կամ մարմին տալու դրանց։ Ասածս սա է. կյանքն անհավանական կարճ է, ու անիմաստ է չսիրողների կամ նույնիսկ չճանաչողների վրա չարանալը»,-նշել է նա:
Նազենին նաեւ հավելել է.«Ամեն մարդ իր ուղին, իր գործն ու իր կյանքն ունի։ Ծանրություններ ու խնդիրներ յուրաքանչյուրիս կյանքում կան, բայց թեւեր տալիս է կամքն ու հենց այն, ինչ կոչում ենք ԸՆՏՐՈւԹՅՈւՆ՝ այդ ծանրություններով հանդերձ։ Անհատի թռիչքը դժվար ու ծանր ընտրություն է, բայց այդ թռիչքի վայելքին ոչինչ չի հասնի։ Սիրելի չես լինի բոլորի համար։ Բայց բոլորն էլ քո կյանքի ո՛չ դառը կիմանան, ոչ էլ ճախրանքի հաճույքը կգնահատեն։ Այնպես որ, թռիր, լայն բաց սիրտդ երկնքի առաջ ու թռիր»:
Աղբյուրը՝ Bravo.am