Պետք է սովորել երջանիկ ապրել, վայելել յուրաքանչյուր պահը։ Պետք է սկսել հիմա։ Այս բառերը ձեր կյանքը կարող են ավելի լավը դարձնել։

1․ Սիրել

Մեր բառարանի առաջին ու ամենակարևոր բառը սիրելն է։ Խոսքը ոչ միայն վերաբերմունքն է այլ մարդկանց նկատմամբ, այլ պետք է սկսեք հենց ձեզանից։ Եթե դուք ժամանակ չեք հատկացնում ձեզ, ապա ժամանակն է փոխվել։

Դուք չեք կարող ուրիշներին լավ վերաբերել, եթե հոգ չեք տանում ձեր մասին։ Յուրաքանչյուր ոք պետք է ժամանակ ունենա իր համար, իր առողջության համար, կյանքի համար։ Գնահատե՛ք ինքներդ ձեզ։ Այս դեպքում միայն կարող եք զգալ թե ինչ է սերը և հետո այն տալ ամբողջ աշխարհին։

2․ Լսել

Օրվա մեծ մասը հիմնականում անցկացնում եք անգիտակցաբար, օրվա ռիթմով։ Փորձեք հասկանալ, թե ինչ է կատարվում ձեր շուրջը, լսեք շրջապատի ձայնը, լսեք քամու խշշոցը, կատվի մլավոցը, բակում խաղաղցող երեխաների երջանիկ ձայները և վերջապես շատ լսեք լավ երաժշտություն։

3․ Զգալ

Մի պահ զգացեք քամին, ձեր մազերի մեջ։ Զգացեք արևի ջերմացնող ճառագայթները։

Այս փոքրիկ զգացողությունները կօգնեն ձեզ, որ ավելի լիարժեք զգաք ձեզ։ Ի՞նչը կարող է ավելի լավ լինել, քան դիպչելն ու զգալը։ Չկա ավելի լավ զգացողություն քան գրկախառնվել երեխաների կամ ընտանի կենդանիների հետ։ Կյանքը լի է հպումներով, և իսկապես երջանիկ լինելու համար պետք է լիարժեք վայելել այն:

4․ Փոխվել

Իջեք բազմոցից: Դուրս եկեք տնից: Տեղափոխվեք, քայլեք, վազեք, դուրս եկեք և վայելեք մաքուր օդն ու բնությունը ձեր լավագույն ընկերոջ կամ ընտանիքի անդամի հետ: Շրջեք քաղաքի կենտրոնում ընկերների հետ:

Առողջության համար ավելի լավ բան չկա, քան ֆիզիկական գործունեությունը: Դրա շնորհիվ դուք ոչ միայն ավելի լավ կզգաք, այլև ավելի կենդանի կդառնաք, քանի որ առողջ լինել նշանակում է ապրել երջանիկ կյանքով:

5․ Հավատալ

Դուք պետք է հավատաք ինքներդ ձեզ, ձեր գեղեցկությանը, յուրահատկությանը, ուժին և քաջությանը: Վստահեք, որ ապագան ձեզ կբերի այն ամենը, ինչին դուք արժանի եք, քանի որ դուք շատ եք աշխատել դրա հասնելու համար:

Հավատքը մարդկային ամենադրական զգացմունքներից է, որն ամրացնում է ոգին և ուղղում դեպի նոր բարձունքներ: Հավատացեք նրան, ինչը ձեզ երջանիկ է դարձնում:

6․ Շփվել

Ոչինչ, եթե ցանկանում եք որոշ ժամանակ մենակ անցկացնել: Բայց չպետք է մոռանալ, որ ձեր սիրելիների՝ երեխաների, ամուսնու, քույրերի, ծնողների, մտերիմների հետ մտերիմ լինելը ամենահաճելի զբաղմունքներից մեկն է:

Դուք պետք է ավելի շատ կենտրոնանաք այն մանրուքների վրա, որոնք արժեքավոր են դարձնում կյանքը՝ ընկերների հետ մի բաժակ սուրճ խմելը, ծնողների հետ ընթրելը, երեխաների հետ զվարճանալը:

Կյանքը լի է հիանալի պահերով, որոնք կարող են դառնալ շատ հաճելի հիշողություններ միայն այն դեպքում, եթե կարողանաք գիտակցել և սովորել վայելել յուրաքանչյուր պահը: