Մադուրոն վերընտրվել է Վենեսուելայի նախագահի պաշտոնում

ria.ru-նհայտնում է, որ Նիկոլաս Մադուրոն ստանալով ընտրողների մոտ 68%-ի աջակցությունը՝ հաղթել է Վենեսուելայում կայացած նախագահական ընտրություններում:

Աղբյուրը մանրամասնում է, որ Մադուրոյի օգտին է քվեարկել ավելի քան 5.8 մլն մարդ, ինչի արդյունքում գործող նախագահն այս պաշտոնում կմնա մինչև 2025թ.:

Նշվում է, որ ԱՄՆ պետքարտուղարությունը հրաժարվել է ճանաչել Վենեսուելայում կայացած նախագահական ընտրությունների արդյունքները: Նմանատիպ դիրքորոշում են արտահայտել Արգենտինայի, Չիլիի և մի շարք այլ լատինամերիկյան պետությունների կառավարությունները: