Ռուսական «Ձայնը» և «Ձայնը. Երեխաներ» հեռուստանախագծերի ժամանակ առցանց-քվեարկության տեխնիկական հարցերով զբաղվող ընկերությունը հաքերային հարձակումներ չի բացահայտել իր սերվերների դեմ մրցույթի եզրափակչի ժամանակ ձայների հաշվարկ անելիս:
Ինչպես հայտնում է ТАСС գործակալությունը՝ հղում անելով ընկերության կայքում հրապարակված հայտարարությանը, ապրիլի 26-ին տեղի ունեցած քվեարկության ընթացքում ստացվել և մշակվել են հոռւստադիտողների բոլոր հեռախոսազանգերն ու sms-հաղորդագրությունները:
Նշվում է, որ մանրամասն հաշվետվություն է փոխանցվել ՌԴ Առաջին ալիքին, որն ապրիլի 27-ին հայտարարել էր քվեարկության արդյունքները վերստուգելու մասին:
Հիշեցնենք, որ երաժշտական մրցույթի եզրափակչում քվեարկության արդյունքում հաղթանակը շնորհվել է Ալսուի դստերը՝ 10-ամյա Միկելային, ինչը, սակայն քննարկումների մեծ ալիք է բարձրացրել համացանցում: Շատերի կարծիքով՝ աղջկա ելույթն այնքան էլ տպավորիչ չի եղել:
