Պաշտոնական. Վիկտոր Վալդեսը վերադարձավ «Բարսելոնա»

VNews.am-ը գրում է.

Ինչպես տեղեկացնում է Sport պարբերականը, «Բարսելոնայի» նախկին դարպասապահ Վիկտոր Վալդեսը վերադարձել է հարազատ ակումբ:

Աղբյուրի փոխանցմամբ՝ Վալդեսը «Բարսելոնայում» կզբաղեցնի Խուվենիլ Ա-ի՝ Մ19 տարեկանների թիմի գլխավոր մարզչի պաշտոնը: Վալդեսի պայմանագրի ժամկետը նախատեսված է մինչև 2020 թվականը:

Վալդեսը «Բարսելոնայի» կազմում անցկացրել է 539 հանդիպում ու 5 անգամ նվաճել Զամորայի մրցանակը: Կատալոնական ակումբից փորձառու դարպասապահը հեռացել է 2014 թվականին: