1. Հագուստով դիմավորում են
Այս ասացվածքն իզուր չէ: Արտաքին տեսքն այն է, ինչին ուշադրություն են դարձնում առաջին հայացքից: Աշխատեք ձեր արտաքին տեսքի վրա, ձեր զգեստապահարանը պետք է համապատասխանի ձեր զբաղվածության բնույթին: Եթե դուք պաշտոնական աշխատող եք, պահպանեք դրես կոդը, հագնվեք էլեգանտ: Եթե ձեր գործունեությունը կապված է ստողծագործական աշխատանքի հետ, ապա ձեր արտաքին տեսքը երևակայության համար մեծ հնարավորություն է տալիս. դիզայներները, նկարիչները, երաժիշտները, արվեստի մարդիկ պետք է առանձնանան գորշ զանգվածից, իրենց վրա ուշադրություն բևեռեն:
2. Ժպիտը լուսավոր է դարձնում
Ժպիտը, լավ տրամադրությունը պակաս կարևոր չեն, քան գեղեցիկ զգեստը: Ժպտացող մարդը շրջապատին բարյացակամ վերաբերմունք է ցուցադրում: Այնպես որ, ինչպես ասում էր բարոն Մյունհաուզենը՝ «Ժպտացեք, պարոնայք»:
3. Թակեք, և կբացվի
Հոգեբանները պնդում են, որ անկեղծորեն հետաքրքրվող մարդուն դժվար է անտեսել: Այդ իսկ պատճառով միշտ հարցեր տվեք, հարցրեք այն, ինչ ձեզ հետաքրքրում է, հնարավոր է՝ ոչ այնքան շատ, բայց եթե դուք հետաքրքրվածություն եք դրսևորում մյուսների գործերի նկատմամբ, դուք ցույց եք տալիս, որ ձեզ համար ոչինչ միևնույն չէ, և շրջապատը, ի պատասխան, սկսում է ձեզ ուշադրություն դարձնել որպես կարգին ու խելացի մարդու:
4. Տեղեկացված եղիր
Այս խորհուրդը ինչ-որ առումով կապված է նախորդի հետ: Կոլեկտիվում դժվար չէ հետևել նրա անդամներին, նրանց մասին կարծիք կազմել: Ոչ մի դեպքում չարժե ձեր դիտարկումներով կիսվել գործընկերների հետ, դա ձեզ հեղինակություն չի բերի: Բայց ինքներդ ձեզ համար կարող եք հասկանալ, թե ինչով է ապրում տվյալ կոլեկտիվը, ինչով են մարդիկ հետաքրքրվում, որպեսզի կարողանաք մասնակցել ընդհանուր զրույցներիին և աշխատանքային կյանքին:
5. Ինչպես կինոյում
Այս խորհուրդն ամենաբարդն է: Մարդը, ով ուզում է լինել հաջողակ և ուշադրություն գրավել, պետք է համակրելի դառնա: Դա հնարավոր է սովորել: Օրինակ վերցրեք շոու բիզնեսի կամ կինոաստղերից։ Հնարավոր է՝ նրանց որոշ սովորույթներ ձեզ հարազատ են թվում, և դուք կարող եք ձեր կերպարում նոր շտրիխներ ավելացնել, որոնք կընդգծեն ձեր գրավչությունը: Հնարավոր է՝ դրանք ժեստեր լինեն, քանի որ զրույցում ժեստիկուլյացիան ավելի արտահայտիչ կարող է դարձնել խոսքը: Դրանք կարող են դրական էներգիա հաղորդել:
6. Շոկ
Միանգամից ասենք, որ այս խորհուրդը բոլորի համար չէ, այն ավելի շատ համապատասխանում է ստեղծագործ մարդկանց: Խնդիրն այն է, որ ստեղծագործությունը նաև էպատաժի որոշակի տարրեր է պարունակում: Անսովոր քայլերն ու արարքները երբեմն ավելի շատ ուշադրություն են գրավում:
7. Խոսքով և գործով
Պարտադիր պրոֆեսիոնալ եղեք, աշխատեք և ձգտեք հաջողության: Կարծում ենք՝ մասնագիտական ձեռքբերումներն ավելի շատ են ուշադրություն գրավում, քան պատմությունները, թե դուք ինչի եք ձգտում հասնել կյանքում:
8. Սիրեք
Ոչ պակաս կարևոր գործոն են ձեր անձնական նախասիրությունները: Ոչ մի բանի մասին մարդն այդքան կրքոտ չի կարող խոսել, որքան այն մասին, թե ինչ է սիրում, իսկ դա միշտ հետաքրքրում է շրջապատում գտնվողներին: Ուստի անպայման հոբբի ունեցեք և մի քաշվեք խոսել դրա մասին: Սպորտ, կերպարվեստ, սա բնորոշում է ձեզ ոչ միայն որպես գրասենյակային աշխատողի, այլ որպես անհատի:
9. Վերջ տվեք ամաչկոտությանը
Ձեզ համար դժվար է նոր կոլեկտիվում, դժվար է օգտակար տեղեկություն ստանալ, բայց դուք քաշվում եք ձևակերպել միտքը. ամաչկոտությունը ձեր նկատմամբ ուշադրություն գրավելու վատագույն օգնականներից է: Սովորեք հաղթահարել ձեր բարդույթները, ժպտացեք, հարցրեք, շփվեք. միայն այդպես կարելի է ճանաչված լինել սոցիումի որոշակի շրջանակում:
10. Մնացեք հանելուկային
Այո, այո: Դա նույնպես կարևոր է. մարդիկ պետք է ձեզ իմանան, բայց ոչ մինչև վերջ: Զարմացնելու կարողությունը պետք է մնա ձեր հիմնական հաղթաթուղթը: Զարմացնել, իհարկե, լավ իմաստով, որպեսզի շրջապատում ասեն, թե նա տվյալ գործին էլ է տիրապետում: Եվ բոլորը, ովքեր իմանում են այդ մասին, ուշադրություն են դարձնում ձեզ և հարգանքով վերաբերվում:
