Եթե կնոջ մոտ նկատելի են հետևյալ նախանշանները, ուրեմն վստահաբար կարելի է ասել, որ նա սիրահարված է։
Եթե կնոջ մոտ նկատելի են հետևյալ նախանշանները, ուրեմն վստահաբար կարելի է ասել, որ նա սիրահարված է և հանուն իր ընտրյալի պատրաստ է դիմել ցանկացած խենթության։
Սիրահարվածության շրջանում կնոջ աչքերը սկսում են փայլել, մշտապես ցանկանում է ժպտալ, սեր տալ բոլորին, որպեսզի նրանք նույնպես ուրախ լինեն։ Այս ժամանակ նկատվում է նաև ցրվածություն։
Ցանկություն է առաջանում հիանալի տեսք ունենալ օրվա ամեն պահին՝ անգամ խանութ գնալիս, քանի որ կինը կարծում է, որ միգուցե հենց այդ նույն վայրկյանին նա հայտնվի իր ճանապարհին։ Կինը նոր զգեստներ, հագուստներ, կոսմետիկ միջոցներ է գնում, փոխում իր ոճը, սանրվածքը։ Նա անգամ սկսում է հետևել իր մարմնի կազմվածքին՝ գնալով մարզասրահ կամ սկսելով սպորտով զբաղվել։
Մշտապես ցանկություն է առաջանում զանգել կամ հաղորդագրություն գրել նրան՝ թեկուզ առանց առիթի, պարզապես իմանալու համար, թե ինչով է նա զբաղված և ինչ է պատրաստվում անել երեկոյան։
Մեծանում է հետաքրքրությունը հորոսկոպի նկատմամբ և եթե այնտեղ ինչ-որ բացասական մտքեր են գրված լինում, սիրահարված կինը չի հավատում դրանց՝ մտածելով, որ սխալմունք է եղել։
Սերիալներ և հեռուստածրագրեր դիտելու փոխարեն կինը ժամանակ է անցկացնում իր սիրելիի հետ։ Անհասկանալիորեն նրա մոտ խանդ է առաջանում։
Կինն անսպասելիորեն ձեռք է բերում նոր հետաքրքրություններ, օրինակ՝ դառնում է ֆուտբոլասեր, համաձայնում է գնալ ձկնորսության, խոսում մեքենաների մասին և այլն։ Օրվա ընթացքում մի քանի անգամ փոխվում է նրա տրամադրությունը՝ բնականաբար անսահման երջանկությունից մինչև հիստերիկ տեսարաններ։
