Ամանորին ընդունված է ցանկություններ պահել։ Շատերը դրանք գրում են մի փոքրիկ թղթի վրա, վառում այն և մոխիրը խմում մի բաժակ շամպայնի հետ:
Հաջողության գաղտնիքը ոչ միայն ցանկությունների, այլև բուն ձևակերպման մեջ է։ Ի՞նչ արտահայտություններ չի կարելի ասել Ամանորի գիշերը։
«Դժվար տարի էր»
Ավելի լավ է կենտրոնանալ լավի վրա, ոչ թե վատի, որ եղել է անցյալում։ Որպեսզի չվախեցնեք Սև ջրային ճագարին` գալիք 2023 թվականի խորհրդանիշին, հիշեք ձեր ձեռքբերումներն ու հաղթանակները: Այդժամ նոր տարում ավելի շատ լավ կլինի, քան վատ:
«Միայն թե չ…»
Ձեր ցանկությունների ձևակերպման մեջ ավելի լավ է հրաժարվել «չ» մասնիկից։ Համեմատեք ինքներդ՝ «Ես ուզում եմ, որ իմ սիրելիները չհիվանդանան» և «Ես ուզում եմ, որ իմ սիրելիները առողջ լինեն»։ Օրինակ, եթե դուք ունեք ծանր իրավիճակ աշխատավայրում, ապա ձեզ հարկավոր չէ թղթի վրա գրել «Միայն թե չհեռացնեն…» բառերը: Ավելի լավ է այսպես՝ «Շնորհակալություն այս վայրում աշխատելու հնարավորության համար, հուսով եմ, որ նոր տարում բոլոր խնդիրները կլուծվեն»։
«Ինչպես որ լինի, միայն թե լինի…»
Ցանկությունները ձևակերպելիս ավելի լավ է չօգտագործել մակաբույծ բառեր՝ «միայն թե», «կարճ ասած», «մի խոսքով» և այլն։ Նաև մի օգտագործեք «հավանաբար» և «գուցե» իմաստներով համակցություններ։
«Շնորհակալություն ասելու ոչինչ չկա, բայց հուսով եմ…»
Կարևոր է ոչ միայն ճիշտ և գեղեցիկ ձևակերպել ցանկությունը, այլև անկեղծորեն շնորհակալություն հայտնել կյանքում ունեցածի համար։ Սա հատկապես վերաբերում է Ամանորին, երբ շատերն ամփոփում են տարին։
Կարևոր է նաև չմոռանալ վիզուալիզացիայի մասին: Ցանկությունը պետք է ձևակերպվի այնպես, կարծես այն արդեն իրականացել է։ Այսինքն՝ ձեր գլխում դուք պետք է պատկերացնեք մի իրավիճակ, երբ ծրագրված ամեն ինչ իրականություն է դարձել։
