Ես չգիտեի, որ մենք այլևս բռնապետական հասարակարգում ենք ապրում, ես համենայն դեպս նման նախադեպ չեմ հիշում, որ կին պատգամավորին շպրտեն գետին ու քարշ տան: Այս մասին ԱԱԾ մոտ լրագրողների հետ զրույցում ասաց ԲՀԿ-ական պատգամավոր Իվետա Տոնոյաանը:
«Կին պատգամավորին շպրտում են գետին ու քարշ են տալիս ոստիկանները որևէ իշխանություն օրոք նման բան եղե՞լ է, իմ մասին է խոսքը, իմ գործընկերների մասին է՝ Կարինե Պողոսյանի, Նաիրա Զոհրաբյանի, Շաքե Իսայանի»,- ասաց նա:
Դիտարկմանը՝ ոստիկանները նշում են, թե իրենք են նստել գետնին, նա պատասխանեց, որ իրենք ակցիա էինք անում, իրենց բողոքի ձայնն էին արտահայտում՝ սոցիալական հեռավորությունը պահպանելով:
ԲՀԿ-ական մեկ այլ պատգամավոր Նաիրա Զոհրբյանն էլ հավելեց, որ ինքը և գործըկերները, տարիներ առաջ լինելով «Հայկական ժամանակ» թերթի լրագրող ՀՀ երկրորդ նախագահ Ռոբերտ Քոչարյանի ռեժիմից, երբ պաշտպանում էին ՀԺ-ի խմբագիր Նիկոլ Փաշինյանին՝ սև լենտեր կապած իրենց դեմքին նախագահականի դիմաց անում էինք բողոքի ակցիա:
«Այսօր էլ, բողոքելով քաղաքական հաշվերհարդարների և ռեպրեսիաների դեմ, ես և իմ գործընկերները, պահպանելով սոցիալական հեռավորությունը, նույն այս ժապավեններով փակելով մեր բերանը, որը խորհրդանշում է որ մեզ չեն լռեցնելու, բոլորին կարող են ԱԺ-ում զրկել անձեռմխելիությունից, բոլորի վրա կարող են քրեական գործ հարուցել, նույնիսկ նրանց վրա, որոնց նկատմամբ սյուրռեալիստական ու ֆուտուրիստական է քրեական գործ հարուցելը, չի ստացվելու, չի անցնելու: Մենք մնալու ենք այստեղ այնքան մինչև մեր երկրում չհաստատենք օրենքի և օրիանակնության դիկտտուրա»,- ընդգծեց նա:
