1. Ոչ թե բարձրացեք, այլ իջեք աստիճաններով
Ամսագրերում որոշ լավատես ֆիզկուլտուրնիկներ իրենց ընթերցողներին խորհուրդ են տալիս հրաժարվել վերելակներից և անհրաժեշտ հարկ բարձրանալ ոտքով: Սակայն առողջ սրտի և կատարյալ կազմվածքի ոչ մի տեսլական նորմալ մարդուն չեն ստիպի ամեն օր աստիճաններով վեր սողալ, քանի որ դա չափազանց ձանձրալի, երկարատև և հոգնեցուցիչ զբաղմունք է: Բայց շատ քչերը գիտեն, որ աստիճաններով իջնելը գրեթե նույնքան օգտակար է, քանի որ այս դեպքում մկան-անոթների վրա բավարար ծանրաբեռնվածություն է ընկնում: Բացի դրանից, իջնելն ավելի հեշտ է:
2. Փորձեք այբուբենը գրել ատամներով սեղմած մատիտով
Համակարգչի առջև նստելու տխուր հետևանքներից մեկն էլ պարանոցի հետ կապված խնդիրներն են, որոնք պարբերաբար իրենց զգացնել են տալիս ուսագոտիների ցավի, գլուխը թեքելու ընթացքում անհարմարության տեսքով: Որպեսզի պարանոցի համար հաճելի լինի, ամեն օր գոնե մեկ անգամ կատարեք հետևյալ վարժությունը: Ատամների արանքում սեղմեք մատիտը և օդի մեջ փորձեք գրել այբուբենը ծայրեծայր: Սա շատ օգտակար բան է ողնաշարի պարանոցային հատվածի համար:
3. Բերանը ողողեք աղով պատրաստված ծովային ջրով
Գնեք ծովային աղ և ամեն օր՝ երեկոյան կամ առավոտյան, 1 ճաշի գդալ լցրեք մեկ բաժակ տաք ջրի մեջ ու ստացված լուծույթով ողողեք ձեր կոկորդը: Սա հիանալի միջոց է ատամները, նշիկները և քիթ-ըմպանի լորձաթաղանթը լավ վիճակում պահելու համար: Կարիեսը, անգինան և ռեսպիրատոր հիվանդություններն այժմ հեշտորեն չեն գրոհի ձեզ: Իսկ ահա աղաջուրն ամեն օր քիթը լցնել չարժե, քանի որ այն կարող է մնալ ականջներում ու հանգեցնել օտիտի:
4. Կատարեք շնչառական վարժություններ
Շատերը սխալմամբ մտածում են, որ շնչառական վարժություններ ասվածն այն է, որ շնչեք հնարավորինս շատ թթվածին: Իրականում ամեն բան հակառակն է: Այս վարժությունների ընթացքում ավելի լավ է գրեթե չշնչել: 90 տարի ապրած հռչակավոր կարդիովիրաբույժ Նիկոլայ Ամոսովը, ով ամեն օր շնչառական մարմնամարզություն էր անում, գրել է. «Ցանկացած բջիջ ամենից առաջ ծանրաբեռնվածության և սահմանափակումների կարիք ունի»: Ըստ Ամոսովի՝ շնչառական մարմնամարզությունը դեպի բջիջը թթվածնի մուտքը փակելն է և հետևելը, թե ինչպես նա դուրս կգա այդ վիճակից: Շնչիր, ապա արտաշնչիր և թոքերից հանիր ողջ օդը ու փորձիր չշնչել: Երբ արդեն շատ կհոգնես, շնչիր, ապա կրկնիր վարժությունը: Փորձիր շունչդ պահել գոնե 3 րոպե: Կանոնավոր պրակտիկայի դեպքում դա հեշտորեն կտրվի:
5. Կերեք հում գազար, ճակնդեղ, խնձոր կամ կաղամբի կոթ
Դժվար է պատկերացնել, որ մեծ քանակությամբ 30-ն անց մարդիկ հեմորոյի՝ ուղիղ աղիի կամ հետանցքի երակների լայնացման խնդիր են ունենում: Զարգացած երկրներում դրանք բնակչության ընդհանուր թվի 40 %-ն են կազմում: Դրա համար սննդակարգում մեծ քանակությամբ բջջանյութ պետք է ներառել բանջարեղենի, մրգերի, վարսակի փաթիլների և սև հացի տեսքով:
6. Ծնկի իջեք, առավելագույնս ճկեք մեջքը
Այս աներևակայելիորեն օգտակար վարժությունն անհրաժեշտ է կատարել վարագույրապատ ու փակ դուռ ունեցող, ինչպես նաև հայելիներ չունեցող սենյակում, որպեսզի հանկարծ ինքներդ ձեզ այդ վիճակում չտեսնեք: Եվ այսպես, չորեքթաթ դիրք ընդունեք, թեքեք մեջքը և 2 րոպեի ընթացքում նստատեղը վեր ու վար ու աջից ձախ շուրջանակի տարուբերեք: Այս վարժությունն առողջ գոտկատեղ ունենալու գրավական է, որը քեզ շարժումների ազատություն կպարգևի:
7. Քնելուց առաջ ոտքերի վրա ցնցուղով սառը ջուր պահեք
Մեկ րոպեն լիովին բավարար է: Այսպես դու նախ արագ կքնես և խորը քուն կմտնես, ստորին վերջույթների երակների համար օգտակար կլինի, բացի դրանից էլ՝ կկոփվես:
8. Պտտեք, ծռեք, խաչեք ամեն ինչ
Տառացիորեն մարմնի յուրաքանչյուր մաս՝ ընդ որում մաքսիմալ անհարմարություն պատճառելով ինքներդ ձեզ: Ծալեք, ճկեք, խաչեք մատները, մեջքը, պարանոցը, ձեռքերը, ոտքերը, շուրթերը: Այսպիսով գործողության մեջ են դրվում մեծ թվով ծույլ մկանաթելեր: Այս վիճակում մնացեք մեկ րոպե:
9. Մեջքով հենվեք պատին՝ աշխատելով պատին սեղմել նաև ուսերը
Այժմ, պահելով այդ ուղիղ կեցվածքը, հեռու գնա պատից, միջին քաշի մի գիրք վերցրու, դիր գլխիդ և փորձիր 10 անգամ կքանստել այնպես, որ այն գլխիցդ չընկնի: Սա շատ բարերար ազդեցություն է գործում ողնաշարի ու կեցվածքի վրա:
10. Սնվեք մաշկի միջոցով
Դու հավանաբար սովոր ես մտածել, որ բնությունը քեզ վստահել է սնվել բացառապես բերանով, սակայն քո մաշկը ևս կարող է սնվել: Եվ եթե, ասենք, լոգանքից առաջ քո դեմքին և ուսերին մեղր քսես և թողնես, որ 3-4 րոպե ներծծվի, ապա քո մաշկը կներծծի 40-ից ավելի տարբեր վիտամիններ և միկրոէլեմենտներ, որոնք սովորաբար այլ տարբերակով հասանելի չեն: Առավել ևս, երբ մարսողությունն ավանդական պրոցես է, սակայն ոչ միշտ է էֆեկտիվ՝ շատ օգտակար, բայց արագ քայքայվող միացությունների յուրացման տեսանկյունից, որոնք ստամոքսում աղաթթվի առատության պատճառով գրեթե միշտ օրգանիզմի համար դեֆիցիտ ապրանք են համարվում:
11. Փակեք աչքերը
Մեր աչքերի համար կատարյալ հանգիստը նրանց հանգիստ տալն է, այսինքն՝ հնարավորություն տալ ժամանակ առ ժամանակ ոչինչ չտեսնել: Ցավոք, մեր կոպերը շատ բարակ են և չեն կարող աչքերի համար մուգ ծանր վարագույրի դեր կատարել: Դրանք բավականին շատ լույս ու պատկերներ են ներս թողնում: Պետք է նկատի ունենալ, որ աչքերին հանգիստ չի տալիս նաև ուղեղը: Այն անգամ կատարյալ խավարի մեջ պարտադրում է նայել կետերի, գծերի, պարույրների և այլ զանազան պատկերների: Աչքերին հանգիստ տալու համար պետք է փակել աչքերը և ձեռքը ճակատին դնել այնպես, որ այն փակի աչքը՝ չկպչելով կոպերին: Մնացեք այդ վիճակում մի քանի րոպե: Իհարկե, դա բավարար չէ, որ աչքերը լիովին հանգստանան, սակայն որոշ չափով կհանդարտվեն այնուամենայնիվ:
12. Խմեք կիտրոնի հյութ
Օրգանիզմում միկրոբների մասսայական սպանդ կազմակերպելու համար բավական է խմել մեկ բաժակ սառը ջրին խառնած մեկ կիտրոնի հյութ: Էլ չենք խոսում այն մասին, թե այդ կերպ որքան C վիտամին դու կստանաս: Ավելի կարևորն այս պարագայում միկրոբիցիդի, այսինքն՝ միկրոբների զանգվածային ոչնչացման միջոցով իմունիտետի բարձրացումն է: Սա հակացուցված է միայն այն տղամարդկանց, ովքեր պատրաստվում են հայր դառնալ: Բեղմնավորումից առաջ պետք է խուսափել այս հյութից, քանի որ, ըստ Մելբուռնի համալսարանի հետազոտողների՝ կիտրոնի հյութը նվազեցնում է ակտիվ սպերմատոզոիդների խտությունը:
13. Պարբերաբար կճմթեք ձեր ականջները
Եթե հիմնվեք արևելյան բժշկության վրա՝ ականջի բլթակի վրա տեղակայված են 11 լուսնային կետեր, որոնք ուղղակիորեն պատասխանատու են 11 օրգանների կենսագործունեության համար, այդ թվում՝ սրտի, աչքերի, ատամների, լյարդի, և այլն: Ժամանակակից բժշկությունը չի հավատում արևելյան բժշկության պնդմանը, սակայն ասում է, որ ականջի բլթակի վրա կան նյարդային վերջավորությունների մի քանի խոշոր կուտակումներ: Այդ պատճառով էլ այն շատ զգայուն է: Այսպես, ակտիվորեն մերսելով ականջի բլթակը՝ դուք կարող եք ստանալ ուժեղ առույգացնող և ցավազրկող էֆեկտ:
14. Ավելացրեք ջրի ջերմաստիճանը
Լոգանք ընդունելիս ջրի հոսքը մաքսիմալ մեծացրեք, իսկ ջերմաստիճանը՝ այնքան, որքան կդիմանաք: Փակեք աչքերը և համարձակորեն ջրի հոսքը 10 սմ Հեռավորությունից ուղղեք դեմքին: 10 րոպե անց դադարեցրեք պրոցեդուրան: Դեմքի այսպիսի ջերմային մերսումը խոչընդոտում է կնճիռների գոյացմանը և մեծացնում է մաշկի ձգությունը: Սա նաև դիմային մկանները թուլացնելու և արյան շրջանառությունն ուժեղացնելու արդյունավետ եղանակ է, ինչն էլ նպաստում է սթրեսի և հոգնածության դեմ պայքարին:
15. Խմեք ակտիվացրած ածուխ
Եթե դու անտարբեր չես ալկոհոլի նկատմամբ և պարբերաբար խմում ես, ապա շաբաթը մեկ անգամ ընդունիր 6-7 հատ ակտիվացրած ածուխի հաբ: Ածուխը հիանալի միջոց է աղեստամոքսային տրակտից տարատեսակ թունավոր նյութերը դուրս բերելու համար, որոնք, ցավոք, այնքան շատ են ալկոհոլի մեջ: Բացի դրանից, ածուխն օգնում է կլանել ծանր մետաղների աղերը, բուսական ծագում ունեցող թույները և զանազան բակտերիաներից արտազատված տոքսինները: Ցավոք, շատ հաճախ այս հիանալի մաքրող միջոցն ընդունել չի կարելի, քանի որ ածուխը ներծծում է ոչ միայն՝ օրգանիզմի համար վնասակար, այլև՝ օգտակար նյութերը:
