Այս կամ այն գույնի նախընտրությունը բնութագրում է մարդուն։ Դա է պատճառը, որ նկար-թեստերը բավական ճշգրիտ են։ Նայեք այս նկարներն ու ընտրեք դրանցից մեկը։ Ընտրություն կատարելով՝ ենթագիտակցությունը կբացահայտի ձեր անձնային հատկանիշները, ցույց կտա ուժեղ և թույլ կողմերը։
Եթե ընտրել եք 1-ին նկարը… Ուշադրություն դարձրեք գույներին, որոնք օգտագործվել են նկարում՝ սառը կապույտ, որը բացվում է վարդագույնով ու մանուշակագույնով՝ երանգներ, որոնք կարմիր են պարունակում։ Այս ընտրությունը նշանակում է, որ աշխատանքին մոտենում եք սառը գլխով, բայց էնտուզիազմը ձեզ հաճախ հեռացնում է իրականությունից։ Օրինակ՝ աշխատելով մի նախագծի վրա՝ կարող եք թեքվել այլ ուղղությամբ և մոռանալ հարցերի մասին, որոնք հարկավոր է լուծել՝ սկզբնական խնդրի կատարման համար։ Ամենայն հավանականությամբ, չեք սիրում միօրինակ աշխատանք։ Ուժեղ էներգետիկա ունեք, բայց չի բավականացնում կենտրոնանալու կարողությունը։ Ձեզ համար արդյունավետ տարբերակ է բոլոր գործերի ծրագրումը։
Եթե ընտրել եք 2-րդ նկարը… Ձեզ համար աշխատանքը բնական, բայց ոչ ուրախալի զբաղմունք է։ Անում եք ամենը, ինչ կախված է ձեզնից։ Գնահատում եք աշխատակիցներին և նրանց շրջանում լավ ընկերներ ունեք։ Ձեզ համար հաճելի են տոներն ու կորպորատիվ միջոցառումները։ Ձեր էներգիան բավական արագ է ծախսվում։ Ժամանակ առ ժամանակ ստիպված եք վերականգնել այն։
Եթե ընտրել եք 3-րդ նկարը… Ձեզ վրա շատ աշխատանք եք վերցնում և, ամենայն հավանականությամբ, թիմի ակտիվ անդամ եք և նրա լիդերը։ Կարողանում եք արագ, բայց որակյալ աշխատել։ Ձեր գործունեությունը մանրամասն պլանավորված է, կարողանում եք ճիշտ պահեր գտնել առաջարկություններ ներկայացնելու համար։ Ձեր աշխատասիրությունը նկատելի է բոլորի համար։ Չի կարելի ասել, թե ուժեղ էներգետիկա ունեք, բայց այն միշտ կայուն է։ Էներգիան արագ է սպառվում, բայց միշտ ժամանակ գտնում եք այն լրացնելու համար։ Ձեզ լավ մասնագետ եք համարում։ Կարողանում եք սովորել, բայց չեք սիրում, երբ խանգարում են ձեր գործունեությանը։ Ներդաշնակությունը պահպանելու համար ակտիվ հանգստի կարիք ունեք, որը պետք է ուղեկցվի լիարժեք քնով։
Եթե ընտրել եք 4-րդ նկարը… Ձեր մասին լավ կարծիքի եք, իսկ մտադրությունները բավարար են՝ առաջ շարժվելու համար։ Հաճախ եք աչք փակում ճշմարտության վրա։ Բնատուր իմպուլսիվությունը թույլ է տալիս նոր մտքեր ունենալ և աշխատանքը մյուսներից արագ անել։ Ձգտում եք հետաձգել մանրամասն աշխատանքը, քանի որ այն ավելի շատ էներգիա է պահանջում։ Մեծ ուշադրություն չեք դարձնում մանրուքներին։ Ձեզ համար առավել կարևոր է գաղափարը։ Ձեր էներգետիկան անկայուն է, և հաճախ ուժերը սպառում եք՝ առանց մտածելու։ Ձեր խնդիրները կարող են կապված լինել հենց սրա հետ։
Եթե ընտրել եք 5-րդ նկարը… Ձեր հեղինակությունն ակնհայտ է՝ գործողությունների չափվածության և ինքնավստահության շնորհիվ։ Ամենայն հավանականությամբ, ձեզ շատ աշխատասեր մարդ են համարում, չնայած ինքներդ գտնում եք, որ ամեն ինչ իր ժամանակն ունի՝ աշխատավայրում հարկավոր է աշխատել, տանը՝ հանգստանալ և լինել ընտանիքի հետ։ Մարդիկ ձեզ կարող են պերֆեկցիոնիստ համարել, քանի որ որևէ աշխատանք ստանձնելով՝ այն կատարում եք 100 տոկոսով՝ թեկուզ չշտապելով։ Վստահորեն շարժվում եք դեպի ձեր նպատակը և այս կամ այն կերպ կհասնեք դրան, քանի որ ձեզ բավարարում են դիմացկունությունն ու պրոֆեսիոնալիզմը։ Դանդաղ եք ուժ հավաքում, բայց արդյունավետորեն եք ծախսում։