Գլխավոր Դեսից-դենից «Ի՞նչ եք տեսնում նկարում»: ԱՌԱԿ թե ինչպես ենք դատողություններ անում մարդկանց մասին

«Ի՞նչ եք տեսնում նկարում»: ԱՌԱԿ թե ինչպես ենք դատողություններ անում մարդկանց մասին

643
0

Ծեր իմաստունն իր մոտ է կանչում աշակերտներին: Երբ բոլորը հավաքվում են, նա նրանց ցույց է տալիս մի սպիտակ թուղթ, որի կենտրոնում սև գույնի կետ էր նկարված:

– Ի՞նչ եք այստեղ տեսնում,- հարցնում է իմաստունը:

– Կետ,- պատասխանում է աշակերտներից մեկը:

– Սև գույնի կետ,- հաստատում է մյուսը:

– Հաստ, սև գույնի կետ,- լրացնում է երրորդը:

Ուսուցիչը խոնարհում է գլուխը, քայլում դեպի պատը և նստում վշտացած:

– Ինչո՞ւ վշտացար, ուսուցիչ,- զարմացած հարցրին աշակերտները:

– Վշտացա, որովհետև իմ բոլոր աշակերտները տեսան միայն փոքրիկ սև կետը, և նրանցից ոչ ոք չնկատեց սպիտակ, մաքուր թուղթը…

Որքա՞ն հաճախ ենք մենք դատողություններ անում մարդկանց մասին` հիմնվելով փոքրիկ թերությունների վրա և անտեսելով արժանիքները:

Նոր տեսանյութ.