news.am Style-ը գրում է.
Երեկվանից համացանցի քննարկման կիզակետում է «Հայաստանի գեղեցկուհի» ազգային գեղեցկության մրցույթը, որի տիտղոսակիրը դարձավ 19-ամյա Հայկուհի Մաթևոսյանը: Իր անունը հաղթանակի պահին լսելուց հետո Հայկուհին չկարողացավ զսպել հուզմունքն ու արցունքները: NEWS.am STYLE-ը նրան հանդիպեց հենց մրցույթի բեմում, որտեղ նա շարունակում էր ժպտալ տեսախցիկների առջև և լուսանկարվել հարազատների և համակիրների հետ:
Տիտղոսակիր գեղեցկուհին երջանկության արցունքների և հուզմունքի ներքո պատասխանեց նաև մեզ հետաքրքրող մի քանի հարցի.
«Շատ հուզված եմ, անսպասելի էր ինձ համար: Զգացողություններս բառերով նկարագրել, պարզաես, չեմ կարող: Շնորհակալություն եմ ուզում հայտնել ժյուրիի բոլոր անդամներին` հենց ինձ ընտրելու համար, իսկ մրցույթի կազմակերպիչներին` նման պրոֆեսիոնալ միջոցառում կազմակերպելու համար»,-իր խոսքն այսպես սկսեց 19-ամյա մոդելը, որն այս շրջանում ուսումն է ստանում Երևանի պետական համալսարանի իրավագիտության ֆակուլտետում:
Հայկուհին մեզ հետ զրույցում խոստովանեց.
«Մտածում էի, որ լավագույն հնգյակում, միգուցե, հայտնվեմ, բայց հաղթանակն ինձ համար անսպասելի էր»:
Ազգային գեղեցկության մրցույթի հաղթողն աչքի է ընկել նաև այլ գեղեցկության մրցույթներում, ասում է՝ այդ հարթակներից ևս շատ բաներ է քաղել.
«Կարելի է ասել` այո, այդ մրցույթներն ինձ որոշ չափով փորձ տվել են, բայց այս մեկն ազգային գեղեցկության մրցույթ է, չափանիշները տարբեր էին, սա ինձ համար իսկական գեղեցկության մրցույթ էր»:
Շարունակությունը կարդացեք աղբյուր կայքում։
