Մայիսի 8-ից 14-ը Արտակարգ իրավիճակների նախարարության Սեյսմիկ պաշտպանության տարածքային ծառայության սեյսմոլոգիական ցանցի կողմից ՀՀ-ի եւ ԱՀ-ի տարածքներում 3 բալ եւ ավել ուժգնությամբ գրանցվել է 2 երկրաշարժ։
Այս մասին հայտնում է ԱԻՆ «Սեյսմիկ պաշտպանության տարածքային ծառայությունը»:
Մայիսի 10-ին ՀՀ-ում՝ Դաստակերտ քաղաքից 5 կմ հյուսիս-արեւմուտք, 3-4 բալ ուժգնությամբ։ Մայիսի 12-ին ԱՀ-ում՝ Քարվաճառ քաղաքից 16 կմ հարավ-արեւելք, 2-3 բալ ուժգնությամբ։
Իսկ տարածաշրջանում գրանցվել է 3 բալ եւ ավել ուժգնությամբ 7 երկրաշարժ՝ Մայիսի 8-ին Թուրքիայում՝ Վան քաղաքից 37 կմ հյուսիս-արեւելք, 4-5 բալ ուժգնությամբ եւ Իրանում՝ Թավրիզ քաղաքից 15 կմ հյուսիս-արեւելք, 4 բալ ուժգնությամբ։
Մայիսի 10-ին Թուրքիայում՝ Վան քաղաքից 29 կմ հյուսիս-արեւմուտք, 3 բալ ուժգնությամբ։
Մայիսի 11-ին Թուրքիայում՝ Հորասան քաղաքից 24 կմ հարավ, 4 բալ ուժգնությամբ եւ 21 կմ հարավ 3 բալ ուժգնությամբ, իսկ Իրանում՝ Ահար քաղաքից 17 կմ արեւմուտք,3-4 բալ ուժգնությամբ։
Մայիսի 14-ին Իրանում՝ Խոյ քաղաքից 29 կմ հարավ-արեւելք, 4 բալ ուժգնությամբ։ Տարածաշրջանից դուրս. 6.0 եւ ավելի մագնիտուդով գրանցվել է երեք երկրաշարժ:
Մայիսի 9-ին 6.1 մագնիտուդով ուժեղ երկրաշարժ է տեղի ունեցել Ճապոնիայի Կյուսյու կղզու հարավային ափամերձ տարածքում` Միյաձակի քաղաքից 21 կմ դեպի արեւելք:
Մայիսի 12-ին Պանամա-Կոստա Ռիկա սահմանային գոտում` Պանամայի Չիրիկի նահանգի Դավիդ քաղաքից 48 կմ դեպի հյուսիս-արեւմուտք գրանցվել է երկրաշարժ, որն ունեցել է 6.1 մագնիտուդ: Երկրաշարժի հետեւանքով տուժել է 5 մարդ:
Մայիսի 14-ին Պապուա Նոր Գվինեայի Կոկոպո քաղաքից 47 կմ դեպի հյուսիս-արեւելք տեղի է ունեցել 7.5 մագնիտուդով երկրաշարժ:
