Գլխավոր Լուրեր «105 տարի է անցել այս ողբերգությունից, որի վրա աշխարհը որոշեց աչք փակել»․...

«105 տարի է անցել այս ողբերգությունից, որի վրա աշխարհը որոշեց աչք փակել»․ Ավակովը Հայոց ցեղասպանության զոհերի հիշատակի օրվա կապակցությամբ գրառում է արել

418
0

Ուկրաինայի ներքին գործերի հայազգի նախարար Արսեն Ավակովը Հայոց ցեղասպանության զոհերի հիշատակի օրվա կապակցությամբ ուղերձ է հղել:

Համապատասխան գրառումն Ավակովը տեղադրել է Twitter-ի իր էջում։

«Ապրիլի 24-ը Հայոց ցեղասպանության զոհերի հիշատակի օրն է, ցավի և վշտի օր՝ 1915-1924 թվականներին զոհված միլիոնավոր մարդկանց համար: 105 տարի է անցել ողբերգությունից, ողբերգություն, որի վրա աշխարհը որոշեց աչք փակել։ Բայց անպատժելիությունը ծնում է նոր հանցագործություններ։ Հիշե՛լ, որպեսզի թույլ չտալ կրկին»,- գրել է Ավակովը։

Նշենք, որ Ուկրաինան Թուրքիայի հետ հարաբերությունները չփչացնելու նպատակով չի ճանաչում Հայոց ցեղասպանությունը: