Մեր հույզերը էական ազդեցություն ունեն մարմնի ներքին օրգանների վիճակի և աշխատանքի վրա։
Ըստ The Health Site-ի՝ գիտական հետազոտությունները որոշակի հույզեր կապում են մեր մարմնի տարբեր օրգանների աշխատանքի հետ. օրինակ՝ զայրույթը կարող է բացասաբար ազդել լյարդի վրա, սթրեսը կարող է բացասաբար ազդել սրտի և ուղեղի վրա, իսկ վախը՝ երիկամների վրա:
Զայրույթ
Ինտենսիվ զայրույթի վիճակում փոխվում է լյարդի, ստամոքսի և փայծաղի աշխատանքը. մասնագետներն այս հույզը կապում են լեղու արտադրության և արտազատման հետ: Բացի այդ, զայրացած մարդիկ հաճախ ունենում են գլխացավեր՝ սա անոթային սպազմի հետևանք է, որն առաջանում է հատուկ հորմոնների արտազատման հետևանքով։ Եթե դուք հաճախ եք զայրանում, ապա հիպերտոնիայի զարգացման վտանգը մեծանում է։
Վիշտ
Այս վիճակում շնչառությունը դառնում է ավելի մակերեսային, և ավելի քիչ թթվածին է ներշնչվում: Սա նպաստում է օրգանիզմում դրա անբավարարությանը և բացասաբար է անդրադառնում թոքերի և սրտի վրա:
Վախ
Երկարատև կամ չափից ավելի վախը ուղեկցվում է հորմոնալ փոփոխություններով, որոնք կարող են վնասել երիկամներն ու էնդոկրին համակարգը։
Սթրես
Այն լուրջ ազդեցություն է ունենում ուղեղի (մասնավորապես՝ հիպոթալամուսի) և սրտի վրա։ Եթե մարդն անընդհատ սթրեսի մեջ է, ապա դա մեծացնում է սիրտ-անոթային հիվանդությունների հավանականությունը։ Բացի այդ, սթրեսը կարող է հանգեցնել մարմնի բորբոքման ավելացման. բարձրացնել արյան ճնշումը, իջեցնել «լավ» խոլեստերինի մակարդակը:
Անհանգստություն
Տագնապըը, հուզմունքը, անհանգստությունը հույզեր են, որոնք ազդում են աղիների շարժունակության վրա՝ օրգանիզմում նեյրոհաղորդիչների և հորմոնների արտազատման պատճառով: Արդյունքում առաջանում է սրտխառնոց, զուգարան գնալու ցանկություն, փորլուծություն։
Կարևոր! Տեղեկատվությունը տրամադրված է տեղեկատվական նպատակով: Հակացուցումների և կողմնակի ազդեցությունների մասին հարցրեք մասնագետին և ոչ մի դեպքում չզբաղվեք ինքնաբուժությամբ։ Հիվանդության առաջին նշանների դեպքում խորհրդակցեք բժշկի հետ:
