Գլխավոր Դեսից-դենից «Իմաստնությունը միշտ չէ, որ գալիս է տարիքի հետ: Պատահում է, որ տարիքը...

«Իմաստնությունը միշտ չէ, որ գալիս է տարիքի հետ: Պատահում է, որ տարիքը միայնակ է գալիս»: Միխայիլ Ժվանեցկու 29 իմաստուն մտքերը

1101
0

1. Երբեք մի գերագնահատեք թշնամիների հիմարությունը և ընկերների հավատարմությունը:

2. Եթե Ձեզ ասում են, որ Դուք բազմակողմանի զարգացած մարդ եք, առանձնապես մի ոգևորվեք: Հնարավոր է՝ նկատի ունեն, որ Դուք միաժամանակ տականք, ստոր և ձրիակեր եք:

3. Եթե դու վիճում ես հիմարի հետ, հնարավոր է, որ նույն բանը նա է անում:

4. Բախտը ժպտում է խիզախներին… Իսկ հետո երկա՜ր ծիծաղում է նրանց վրա:

5. Փոքր չափաբաժիններով ալկոհոլն անվնաս է ցանկացած քանակությամբ:

6. Մտածելն այնքա՜ն դժվար է. Այդ պատճառով էլ մարդկանց մեծամասնությունը դատում է:

7. Լավատեսը հավատում է, որ մենք ապրում ենք աշխարհներից լավագույնում. Հոռետեսը վախենում է, որ դա հենց այդպես էլ կա:

8. Ոչինչ այնպես չի խոցում, ինչքան սեփական երջանկության բեկորները:

9. Սարսափելի չէ, երբ քեզ վրա ծիծաղում են. ավելի սարսափելի է, երբ քեզ վրա արտասվում են:

10. Իմաստնությունը միշտ չէ, որ գալիս է տարիքի հետ: Պատահում է, որ տարիքը միայնակ է գալիս:

11. Մեր ազատությունը նման է լուսացույցի, որի 3 լույսերն էլ միանգամից են վառվում:

12. Եթե Ձեզ երկար ժամանակ չեն զանգում ընկերներն ու բարեկամները, ուրեմն նրանց մոտ ամեն ինչ լավ է:

13. Դրական էմոցիաներն այն էմոցիաներն են, որոնք ի հայտ են գալիս, երբ թքած ես ունենում ամեն ինչի վրա:

14. Եթե հայտնվում է մեկը, ով պատրաստ է սարեր շուռ տալ, ապա նրան կհետևեն ուրիշները, ովքեր պատրաստ կլինեն նրա վիզը ոլորել:

15. Իսկական միայնությունն այն է, երբ ողջ գիշերը խոսում ես ինքդ քեզ հետ, և քեզ չեն հասկանում:

16. Մարմնամարզությունը կյանքդ երկարացնում է 5 տարով, սակայն այդ 5 տարիները դու պետք է անցկացնես մարզադահլիճում:

17. Կարգին մարդուն կարող ես հեշտորեն տարբերել՝ տեսնելով, թե ինչքան անվարժ է նա ստորություն անում:

18. Մեր կյանքն ի՞նչ է. չես հարմարվի՝ կկորչես, չես կորչի՝ կհարմարվես:

19. Ավելի լավ է սիրով աշխատել, քան ջանք թափել սիրով զբաղվելիս:

20. Մեծ երջանկություն է տեսնել իսկական, արյունոտ, հերոսական կյանքը և մասնակցություն չունենալ դրանում:

21. Դժվար է լինել ամենավերջին փողոցայինը. միշտ ինչ-որ մեկը հարմարվում է հետևից:

22. Հենց սկսում ես հետևել սննդակարգիդ, ինչ-որ մեկը նստում է հաց ուտելու:

23. Ավելի լավ է լռել ու հիմարի տպավորություն թողնել, քան խոսել ու դրանում ոչ մի կասկած չթողնել:

24. Ցանկացած մեքենա հերիք է քեզ ողջ կյանքիդ համար, եթե նրանով չափազանց արագ երթևեկես:

25. Քիչ է սեփական գինդ իմանալը. դեռ պետք է պահանջարկ էլ ունենաս:

26. Կյանքը դաշնամուրի պես է՝ սև և սպիտակ ստեղներ և կափարիչ:

27. Ես միշտ ասում էի՝ կամ ես լավ կապրեմ, կամ իմ ստեղծագործություններն անմահ կլինեն: Եվ կյանքը պտտվեց ստեղծագործությունների կողմը:

28. Երջանի՞կ եմ արդյոք: Տարբեր ժամանակներում այս հարցին տարբեր կերպ եմ պատասխանել, սակայն միշտ՝ բացասական:

29. Ժողովուրդ, եթե մենք, միևնույն է, մինչև կոկորդներս կեղտի մեջ ենք, եկեք գոնե ձեռք ձեռքի տանք: