Բրազիլիայի բնակչուհին կդառնա այդ երկրում առաջին կինը, ով կամուսնանա ինքն իր հետ։ Ամուսնության արարողությունը տեղի է ունենալու առաջիկա կիրակի՝ Բելու Օրիզոնտի քաղաքում, որը գտնվում է Բրազիլիայի արևելքում և հեռարձակվելու է 38-ամյա կնոջ սոցկայքային էջով։ Նրան պսակադրության խորանի մոտ ուղեկցելու է վերջինիս դուստրը։
Տեղի լրատվամիջոցները նշում են, որ արարողությունը խիստ խորհրդանշական բնույթ է կրելու, քանի որ բրազիլական օրենսդրությունը սոլոգամ ամուսնություններ չի գրանցում։ Ապագա նորահարսը նաև որոշել է, թե ամուսնությունը խորհրդանշող ինչ սիմվոլ է կիրառելու։ Ամուսնական մատանու փոխարեն նա դաջվածք է անելու թիթեռի թևերով կնոջ տեսքով։ Այդուհանդերձ, այս յուրօրինակ արարողությունից հետո նախատեսվում է ճոխ հյուրասիրություն հարսանեկան ավանդական մեծ տորթով հանդերձ։
Ապագա հարսը նաև ասել է, որ այս արարողությունից հետոլ էլ կշարունակի բաց լինել հարաբերությունների համար։
