Գլխավոր Լուրեր Ալիևը մուսուլմանական երկրների ղեկավարներին խնդրել է «Հայաստանի հետ չգրկախառնվել»

Ալիևը մուսուլմանական երկրների ղեկավարներին խնդրել է «Հայաստանի հետ չգրկախառնվել»

981
0

shantnews.am-ը գրում է․

Ադրբեջանի նախագահ Իլհամ Ալիևն անդրադարձել է Երևանում ռազմա-քաղաքական գործիչ Գարեգին Նժդեհին նվիրված հուշարձանի տեղադրմանը: Ելույթ ունենալով Բաքվի պետական համալսարանի հարյուրամյակի առթիվ՝ Ալիևը հայտարարել է, որ Երևանի կենտրոնում Նժդեհի հուշարձանը պետք է ապամոնտաժվի: Ընդ որում՝ Ադրբեջանի ղեկավարը շարունակել է շեշտադրել, որ Նժդեհի հուշարձանը տեղադրվել է Հայաստանի նախկին իշխանությունների օրոք:

«Ես Հայաստանի նախկին իշխանություններին հնարավորություն էի տվել: Իմ ելույթում ես շեշտել եմ, որ այս հուշարձանը կանգնեցրել է նախորդ իշխանությունը: Եթե ներկա իշխանությունն իրեն ժողովրդավար է համարում, ապա պետք է ապամոնտաժի այդ հուշարձանը»,- ասել է նա:

Ադրբեջանի նախագահին դուր չի եկել նաև այն փաստը, որ Հայաստանը լավ հարաբերությունների մեջ է մուսուլմանական երկրների հետ: Ալիևն ասել է, որ մուսուլմանական երկրների ղեկավարների հետ հանդիպման ժամանակ նրանց կոչ է անում «չգրկախառնվել Հայաստանի հետ»: